Les mots surlignés font l'objet d'une note
1Reçue à Montélimar, le 20 février 1574.
2Monsieur, despuys troys ou quatre jours, ay receu une vostre du
3premier de ce moys. Dieu sait la consolation que ma esté de
4avoyr de voz nouvelles et que ay aperceu que vous soubzvient
5et moy, car nest la costume des parens du jourdhuy et la
6plus part je voldroys vous hobeyr et me pouvoyr retirer
7en Advignon encores que ny aye plus dez miens ou bien peu, et vous
8asseure que si je puys, je me y retireray pour le service
9de Dieu et pour navoyr nul reffuge, secours, ny ayde
10et bien peu de gens et moings compagnie en ce quartier.
11Je vouldroys que feussent à Saincte Claire, celes que y soloys
12estre qui me donoyt plus de envie de me y retirer
13au regard et me remarier y a septante deux mal
14encontres et le mender es et se rompre le col ny a
15plus bel que liberté et choisyr à son plaisyr qui pourra
16vous estes du mestier, veufve comme moy et sans femme
17comme moy et remestz tout à vostre description une dame
18venue en ce quartier que avez cogneu aultresfoys, ce
19recommande à vostre bonne grace et Dieu vous aye en sa
20garde à qui prie.
21Monsieur vous donner en très bonne sancté très bonne et
22très eureusse vie à vous de bon cuer. De votre maison
23d’Antiboul, ce dernier de lan 1573. Je desire
24fort de bon pein que mengés à Montalimar et de
25faire tenir sil est possible des truffles par homme seur.
27Votre affeccionné oncle et fidelle affectionné
28Amy à vous faire humble service
29Antiboul